今日ITJC 帶咗裘錦秋中學(屯門)同九龍護青會嘅同學仔去數碼港參觀。今日活動行程一樣豐富，包括到Formula Square 試玩賽車同Cyber Lab 了解最新科技產品。

香港資訊科技聯會邱達根會長都同各位同學一齊參觀，會長希望同學仔只要從小多了解電競同創科行業，有朝一日都可以將夢想變做事業；另外，今次重邀請到Future Now Raymond 同MIT Node 團隊同同學仔分享好多有趣嘅科創經驗、電競同智慧城市嘅最新資訊，由淺入深，提高同學仔對創科嘅興趣。